لا حول ولا قوة الا بالله منتدى دابوه الاسلامى

اللهم انفعنا بما علمتنا وعلمنا ما ينفعنا
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 خلى بالك انت متراقب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
جويرية
مشرفة قسم اصحاب حول خير الانام
مشرفة قسم اصحاب حول خير الانام
avatar

انثى عدد الرسائل : 315
العمر : 31
العمل/الترفيه : لا اعمل
البلد : القاهرة ـ مصر
تاريخ التسجيل : 19/08/2008

مُساهمةموضوع: خلى بالك انت متراقب   السبت أكتوبر 25, 2008 9:14 pm

السلام عليكم ورحمه الله وبركاته

بسم الله الرحمن الرحيم

خلى بالك انت متراقب
في الحقيقة لست من أنصار الكتابة بالعامية ولكن هذا الموضوع عندما قرأته وجدته يعبر عن حوار يدور
بذهن العديد من الشباب بنفس الطريقه المكتوبه فنقلته لكم كما هو ارجو أن تستمتعوا به

!الأخ : ابص فوق يمكن يكون حد فى البلكونات شايفنى ولا حاجة ..
الحمد لله مفيش حد و محدش هيشوفني
طيب كده تمام الحمد لله
طيب على اليمين لا يكون حد ماشى جنبى وواخد باله مني !! طيب تمام جدا
طيب على الشمال يمكن يكون هناك حد بيراقبني !! الحمد لله كده تمااااااام مفيش برضه

مفيش حد هيخد باله مني كده أنا ضمن الآلاف من الناس اللي ماشية .. جت عليا يعني !
كده تمام أوي أمشي براحتي بقا محدش اخد باله مني .
يااااااااااااه كل دي بنات ما شاء الله!


أنت مين ؟؟؟ و مراقب من مين
منا بصيت كويس فوق و يمين و شمال
و محدش شايفني أصلاً : يبقى مراقب من مين يا عمي !!!

النفس : أهدى بس و أستهدى بالله !
قال الله :
{ قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ } [ النور : 30 ]
الأخ - في ذهول - : ده ليا أنا !!!!!!!!
النفس : أيوة ليك أنت
الأخ : طب و أنا مالي ما انت شايف يا عمي أهو كل البنات ماشية أزاي و لا بسين لبس عايز لبس فوقه عشان يغطيه !
هو أنا اللي قلت لها تمشي كده ما هما ماشيين كده مخصوص عشان يتعكسوا من الشباب و أنا مش بعاكس أنا لأ – حزن -
وبعدين و أحنا مالنا هو أحنا لاقيين أصلاً نتجوز و قلنا لأ ؟!
ما كل حاجة غالية و أسعارها نار و هم ماشيين كده بيعرضوا نفسيهم ولا كأن جسمهم ده غالى عليهم .
لو كان جسمهم غالى عليهم بجد كانوا يحافظوا عليه ويصونوه من كل عين ..
إذا كانوا هم محافظوش على جسمهم وغطوه .. يبقى ليه بتلومنى عشان انا ببص ؟؟؟
مش برده اللى حاجة غالية عليه بيخبيها عن عين الناس
خلاص يبقى مش غالى عليهم .. يعنى رخيص .. يعنى الكل يبص براحته بقى ..
النفس : { كُلُّ نَفْسٍ بِمَا كَسَبَتْ رَهِينَةٌ } [ المدثر : 38 ]
و هل هذا عذر لك لكي تطلق بصرك؟!!
طيب و المنقبة باين منها ؟؟ باين منها أيه عشان تبص لها و تطلق بصرك عليها ؟
الأخ : نفسي ربنا يرزقني بواحدة زيها !
النفس: و تفتكر واحدة زيها ممكن تفكر فيك أنت و لا توافق عليك !
ليه الأخوة الأفاضل خلاص خلصوا مفضلش غيرك أنت !!
الأخ : مالي أنا و بعدين أيه حكاية أنت .. أنت ؟؟!!
النفس : مالك ؟؟؟؟ لم تلتزم بأمر الله و بما أمرك به و تقول مالك ؟!
أنا لسة قايلالك الآية
{ قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ } [ النور : 30 ]
وانت لم تغض بصرك عن ما لا يحل لك وتتطلق بصرك يمين وشمال ..
طيب بلاش انت ملتزم وكل حاجة باللى ربنا أمرك بيه ..
قولى بقا .. تفتكر لما أنت مش قادر تغض بصرك اللي هو نعمة عليك يبقى هتصلي كويس بخشوع ؟؟ هتحفظ قرآن بسهولة ؟؟
َ { كَلَّا بَلْ رَانَ عَلَى قُلُوبِهِم مَّا كَانُوا يَكْسِبُونَ } [ المطففين : 14 ]
و لما تحفظ هيبقى حجة لك و لا عليك ؟؟؟
أكيد حجة عليك وكل آية فيه هتيجى حجة عليك وتقول يا رب حفظنى ولم يعمل بى .. كان يو جد بى أمر من أوامرك ولم يفعله ..
وكان يوجد نهى نهيته عنه وفعله يا رب ولم ينتهى عنه ..

مش ربنا أمرك بغض البصر ؟؟؟

ليه بتبص طيب .. هتستفاد ايه بس !!!!!!!!
فوق يا أخي فوق فووووووووووووق قبل أن يأتي يوم لا مرد فيه لقضاء الله !
أفرض مت و أنت بتبص على واحدة ..
هتقول لربنا ايه ؟؟؟
هتقوله كنت ببص لييه ؟؟
حتى لو انت متكلمتش كل جوارحك هتنطق وهتعترف وتشهد باللى أنت كنت بتعمله .
قال تعالى :
{ الْيَوْمَ نَخْتِمُ عَلَى أَفْوَاهِهِمْ وَتُكَلِّمُنَا أَيْدِيهِمْ وَتَشْهَدُ أَرْجُلُهُمْ بِمَا كَانُوا يَكْسِبُونَ } [ يس : 65 ]
وقال تعالى أيضاً :
{ يوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ } [النور : 24]
اتخيل كده وانت كل اللى كنت بتعمله بيتنشر قدام الناس كله وكل الناس عرفت اللى كنت بتعمله والبنت اللى انت بصيت عليها
جت ومسكت فى عنقك وقالت يا رب خد حقى منه كان بيبصلى يا رب
..
بلاش موت مع أنك في اللحظة دي أيوة دي ممكن تموت مش صعبة ..
طيب بتبص على البنت و غمضت عينك و جيت تفتحها راح البصر خلاص راح نظرك و مبقتش بتشوف تاني ..
هاه أيه العمل ساعاتها ؟
شوفت النظر لوحده بس نعمة عليك وأنت مش مقدرها ..
قال تعالى :
{ قُلْ هُوَ الَّذِي أَنشَأَكُمْ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ قَلِيلاً مَّا تَشْكُرُون } [الملك : 23]
وقال تعالى :
{ وَهُوَ الَّذِي أَنشَأَ لَكُمُ السَّمْعَ وَالْأَبْصَارَ وَالْأَفْئِدَةَ قَلِيلاً مَّا تَشْكُرُونَ } [المؤمنون : 78]
وقال تعالى :
{ ثُمَّ سَوَّاهُ وَنَفَخَ فِيهِ مِن رُّوحِهِ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ قَلِيلاً مَّا تَشْكُرُونَ } [السجدة : 9]
شوفت بقا .. ربنا اداك نعمة البصر وفعلاً صدق ربى وأصدق القول قول ربى
ربنا بيقول قليلاً ما يشكرون ?
بقى تشكر ربنا على نعمته بمعصيته ؟؟
ده لو حد عملك خدمة بتفضل شايلهاله طووووووول عمرك وكل شوية بتقوله بجد مش عارف اقولك ايه على اللى انت عملته معايا
طيب ده ربنا اقل حاجة عشان تشكره على نعمه انك تستغلها صح
ومتستغلهاش فيما نهى عنه الله ابدا ..
طيب مفكرتش في الديان زي ما بتبص على بنات الناس ما ربنا هيسلط عليك اللي يبص على محارمك ! يرضيك ؟!!

الأخ : محارمي ! لأ طبعاً .. اللي يبص عليهم أحوله ، أعميَّه إلا محارمى طبعا.. انت بتقول ايه يا عم انت . قال أهلى قال .
النفس: يا سلام بدل ما تتحمق أوي كده عليهم خاف على نفسك من عذاب الله في الدنيا و الآخرة و خاف عليهم
و بعدين هما محاركم دول ناس و بنات الناس دول ناس تانية ؟؟ :S
اتقِ الله و أعلم و أيقن تمام اليقين أنك مراقب..

فاحذر انت متراقب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أحمد دابوه
المديــــــــــــر
المديــــــــــــر
avatar

ذكر عدد الرسائل : 417
العمر : 30
العمل/الترفيه : فني صيانة حاسبات
البلد : الاسكندرية
تاريخ التسجيل : 10/08/2008

مُساهمةموضوع: رد: خلى بالك انت متراقب   السبت أكتوبر 25, 2008 9:44 pm

السلام عليكم ورحمة الله وبركاته
جزاكي الله خيرا اختى الفاضلة فعلا
كُلُّ نَفْسٍ بِمَا كَسَبَتْ رَهِينَةٌ
اعْمَلُوا مَا شِئْتُمْ إِنَّهُ بِمَا تَعْمَلُونَ بَصِيرٌ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dabo1987.yoo7.com
جويرية
مشرفة قسم اصحاب حول خير الانام
مشرفة قسم اصحاب حول خير الانام
avatar

انثى عدد الرسائل : 315
العمر : 31
العمل/الترفيه : لا اعمل
البلد : القاهرة ـ مصر
تاريخ التسجيل : 19/08/2008

مُساهمةموضوع: رد: خلى بالك انت متراقب   السبت أكتوبر 25, 2008 10:59 pm

السلام عليكم ورحمه الله وبركاته

بااارك الله فيك أخونا احمد

أنا معلش متقلة عليكم بحط المواضيع مش متضبطة الخط وانت بتعدلها ربنا يباركلك يااحمد ويصلح حالنا وحالك

والسلام عليكم ورحمه الله وبركاته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الحاجه
نائب المدير
نائب المدير
avatar

انثى عدد الرسائل : 916
العمر : 51
الاوسمة :
تاريخ التسجيل : 11/08/2008

مُساهمةموضوع: رد: خلى بالك انت متراقب   الإثنين أكتوبر 27, 2008 12:29 pm









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خلى بالك انت متراقب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لا حول ولا قوة الا بالله منتدى دابوه الاسلامى :: المنتدي الاسلامي :: موضوعات اسلامي-
انتقل الى: